Šasnaccać dziaciej i instruktar pa płavańni 24 krasavika atrucilisia rastvoram chłoru ŭ basiejnie minskaha liceja №1 na vulicy praśpiekta Haziety «Źviazda».

Jak paviedamlaje pres-słužba MNS Biełarusi, atručeńnie atrymali vučni škoły №105 Minska, u jakich u basiejnie liceja prachodzili płanavyja zaniatki. Jany pačalisia paśla zamieny vady ŭ basiejnie i jaje abiezzaražańnia aparatam chłaravańnia vady z vykarystańniem vodnaha rastvora hipachłarytu natryja dla płavalnych basiejnaŭ.

U basiejnie ŭ dziaciej pahoršyłasia samaadčuvańnie. U ich adznačalisia kašal, reź u vačach, pačyrvanieńnie vačej. Instruktar pa płavańni i piersanał spartkompleksu liceja nieadkładna vyvieli školnikaŭ z budynka na śviežaje pavietra. Dostup u budynak spartkompleksu byŭ abmiežavany.

Bryhada chutkaj dapamohi dastaviła 16 vučniaŭ čatyroch kłasaŭ i instruktara pa płavańni ŭ haradskija balnicy. Paśla miedycynskaha abśledavańnia stan vaśmi dziaciej pryznany zdavalniajučym, astatnich dziaciej — siaredniaj stupieni ciažkaści.

Pa fakcie nadzvyčajnaha zdareńnia viadziecca raźbiralnictva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?