Baradaty bajavik, jaki nieadnarazova ŭspłyvaŭ na fatazdymkach z Uschodu Ukrainy, źjaŭlajecca rasijaninam Alaksandram Mažajevym.

Pra heta piša žurnalist Time Sajman Šuster, pieradaje TSN.

Žurnalist pabyvaŭ u pałonie sieparatystaŭ u Słaviansku i zmoh pahutaryć z baradatym bajevikom, jakoha prarasiejskija bajcy nazyvajuć «Babajem».

Padčas intervju Mažajeŭ pakazaŭ svoj pašpart, zhodna ź jakim jon pryjechaŭ vajavać va Ukrainu: spačatku ŭ Krym, a potym na Danbas, — z Krasnadarskaha kraju.

Jaho prapiska pakazvaje, što jon žyvie ŭ horadzie Biełarečansk.

Pa słovach Mažajeva, jon pajechaŭ vajavać u Ukrainu, bo ŭ Rasiei jaho šukaje palicyja za «sprobu zabojstva nažom». Adnak padkupić sudździu hrošaj nie było. Tak jon staŭ najmitam.

Mažajeŭ admaŭlaje, što słužyŭ u HRU Rasii.

Pa słovach «Babaja», jon sapraŭdy słužyŭ u rasiejskich uzbrojenych siłach. Ale syšoŭ u zapas u siaredzinie 90-ch hadoŭ. Z taho času ŭvachodziŭ u «Voŭčuju sotniu» kazakoŭ u rodnym horadzie.

Žurnalist Time pakazaŭ Mažajevu fota, dzie jon byccam by biare ŭdzieł u bajavych dziejańniach u Hruzii.

«I ja nikoli nie byŭ u Hruzii, navat u adpačynku. Hety na fota bolš padobny na niejkaha Usamu Ben Ładena», — zapiarečyŭ bajavik.

Udzieł u siłavym zachopie Kryma Mažajeŭ nie admaŭlaje. Pavodle jaho słovaŭ, jon pajechaŭ ładzić chvalavańni na Danbasie «ad niama čaho rabić» i z-za nacyjanalistyčnych pierakanańniaŭ.

«My siadzieli i dumali, što rabić dalej. Tady my vyrašyli advajavać jašče trochi pieršapačatkova rasijskich terytoryj», — skazaŭ «Babaj».

U Słaviansku rasijskaha baradača-najmita naniaŭ ŭładalnik fabryki myła i samaabvieščany «narodny mer» Viačasłaŭ Panamaroŭ.

Dziakujučy Možajevu i jašče niekalkim bajevikam ź Biełarusi, Kazachstana, Rasii i inšych byłych krain SSSR, jon zładziŭ chvalavańni ŭ svaim horadzie. Pa słovach Panamarova, jamu padparadkoŭvajecca 2500 bajavikoŭ.

Adnak najmity typu «Babaja» ź ich składajuć niekalki sotniaŭ. Sieparatysty prosiać dapamohi ŭ Rasiei, adnak Kreml nie śpiašajecca im dapamahać. «Nam treba zbroja, razumieješ? U nas skančajecca ŭsio, akramia bajavoha duchu», — skazaŭ Panamaroŭ žurnalistu Time.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?