Apieratar velcom zapuściŭ novy mabilny dadatak moVa — prahramu, jakaja dapamoža mieć znosiny na biełaruskaj movie.
Jak paviedamili u pres-słužbie velcom, moVa dazvalaje atrymać raskładku kłavijatury na biełaruskaj movie i takim čynam zrabić vykarystańnie rodnaj movy ŭ znosinach bolš zručnaj. Z novym dadatkam taksama možna publikavać paviedamleńni na biełaruskaj movie ŭ sacyjalnych sietkach Facebook, Twitter, «Ukantakcie»; adpraŭlać SMS kantaktam z adrasnaj knihi; pierakładać słovy ci tekst na biełaruskuju movu i publikavać ich adrazu.
Mabilny dadatak moVa byŭ raspracavany da 15-hodździa kampanii velcom, źjaŭlajecca biaspłatnaj prahramaj i dastupny dla spampoŭki ŭ «markietach» dla karystalnikaŭ smartfonaŭ na bazie AS Android i iOS.
Akramia taho, jak udakładnili ŭ kampanii velcom, praz dadatak moVa možna padpisać pietycyju ŭ elektronnaj formie i paprasić Apple dadać biełaruskuju raskładku kłavijatury ŭ sistemu iOS, kab jana źjaviłasia ŭ kožnym smartfonie.
