Niekalki chvilin tamu, prykładna ŭ 22:00, u Minsku byŭ zatrymany hramadski aktyvist, były palitviazień Źmicier Daškievič.

Jaho spynili prosta pierad padjezdam doma, dzie jon žyvie, paviedamiła NN jaho žonka Nasta Daškievič.

Spynili, pravieryli rečy. Źmicier paśpieŭ paviedamić pra heta žoncy, vykazaŭšy mierkavańnie, što, vierahodna, u sudzie Pieršamajskaha rajona Minska atrymaje administracyjny aryšt.

Mahčyma, zatrymańnie źviazana z tym, što Biełaruś rychtujecca da čempijanatu śvietu pa chakiei. Łukašenka kolki tydniaŭ tamu zaklikaŭ pravieści ČS, jaki startuje 9 maja, nie dapuściŭšy pravakacyj, z hetaj nahody navat adbyłosia pasiadžeńnie Rady biaśpieki.

Taksama na hetym tydni na sutki byli asudžanyja čatyry aktyvisty «Alternatyvy».

Mahčyma, previentyŭnaje zatrymańnie źviazana z Čarnobylskim šlacham, što maje adbycca ŭ subotu. Ale Nasta Daškievič zaznačaje, što Źmicier nie źbiraŭsia brać udzieł u ČŠ.

Zaznačym taksama, što 29 krasavika Minsk maje naviedać Uładzimir Pucin, niaredka hramadskich aktyvistaŭ zatrymlivajuć napiaredadni vizitu vysokich haściej.

Клас
0
Панылы сорам
0
Ха-ха
0
Ого
0
Сумна
0
Абуральна
0