fota kremlin.ru
Alaksandr Łukašenka miarkuje, što bajacca sankcyj Zachadu nie varta, bo Biełaruś i Rasija sumiesnymi namahańniami zmohuć ich pieraadoleć.
Pra heta jon zajaviŭ siońnia ŭ čas niefarmalnaj sustrečy lidaraŭ piaci dziaržaŭ, jakaja prachodzić u Maskvie.
Pavodle słoŭ Alaksandra Łukašenki, Zachad faktyčna pajšoŭ na eskałacyju napružanaści.
Ale pakul praz ekanomiku, finansy, sprabujučy ŭvieści kankretnyja ekanamičnyja sankcyi.
«Ale my nie zadziejničali hałoŭny adkaz u hetaj situacyi. Bo našy ŭnutranyja mahčymaści pry abjadnańni ŭ razy pavialičvajucca, i my možam pieraadoleć hetyja sankcyi, ja absalutna pierakanany, i bajacca nam tut absalutna niama čaho», — skazaŭ biełaruski lidar.
Alaksandr Łukašenka ličyć, što ŭ hetaj situacyi nieabchodna zadziejničać ŭnutrany patencyjał.
«A jon ŭzajemadapaŭnialny: kali čahości niama ŭ Rasii, hetaha chapaje ŭ inšych respublikach, kali ŭ respublikach čahości nie chapaje, heta jość u Rasii. Tamu treba hladzieć bolš na toje, kab mabilizavacca i praz ŭnutranyja reziervy pieraadoleć hetyja nastupstvy, choć jany nie tak niebiaśpiečnyja», — adznačyŭ Łukašenka. Jon źviarnuŭ uvahu, što Biełaruś užo nie adzin dziasiatak hadoŭ pieražyvaje sankcyi i viedaje, što heta takoje i da čaho jany mohuć pryvieści.
«My ŭ luboj situacyi vystaim», — skazaŭ Alaksandr Łukašenka. «Vy, Uładzimir Uładzimiravič, pavinny viedać, što my budziem pobač, plačom da plača,
i ja kažu heta nie tolki tamu, što tut my sabralisia pierad ŚMI, u nas prosta vyjścia inšaha niama, jak być razam. Paasobku — budzie toje, što va Ukrainie», — padkreśliŭ biełaruski lidar.
