Alaksandr Łukašenka prapanuje prezidentu Rasii Uładzimiru Pucinu skaardynavać dziejańni pa Ukrainie. Z adpaviednaj prapanovaj kiraŭnik biełaruskaj dziaržavy vystupiŭ siońnia na sustrečy ŭ Maskvie sa svaim rasijskim kaleham.
«Ja nie stanu ŭtojvać, nas vielmi napružvaje siońnia toje, što adbyvajecca va Ukrainie. Nie z punktu hledžańnia taho, što my čahości baimsia, jak nas tut pačynajuć zapałochvać, a z punktu hledžańnia taho, što tam adbyvajecca. Tamu što voś Adesa - hetyja padziei naohuł nie ŭkładvajucca ni ŭ jakija ramki», - adznačyŭ biełaruski lidar, prapanavaŭšy za kadram adkryta pahavaryć ab situacyi va Ukrainie i niejak skaardynavać sumiesnyja dziejańni. «Tamu što, napeŭna, kryzis hety zaŭtra nie skončycca, a jon upłyvaje niepasredna jak na vas, tak i na nas», - skazaŭ kiraŭnik biełaruskaj dziaržavy, źviartajučysia da Uładzimira Pucina.
Akramia taho, kiraŭnik Biełarusi prapanavaŭ abmierkavać pytańnie tak zvanych sankcyj adnosna Rasii z boku Zachadu.
«Sproba nacisnuć na Rasiju, zrazumieła, upłyvaje na nas. I ja ŭpeŭnieny, što nam treba ŭnutrana mabilizavać reziervy, i my prymnožym toje, što ŭ nas było, biez usialakich padačak abo abiacańniaŭ z boku Zachadu», - skazaŭ biełaruski lidar.
Łukašenka adznačyŭ, što napiaredadni znachodziŭsia paŭdnia va ŭradzie Rasijskaj Fiederacyi, dzie była praviedziena vialikaja rabota z premjer-ministram Dźmitryjem Miadźviedzievym, vice-premjerami, ministrami pa daŭzhadnieńni niekatorych momantaŭ Dahavora ab Jeŭrazijskim ekanamičnym sajuzie. Alaksandr Łukašenka prapanavaŭ abmierkavać hetu temu.
U svaju čarhu Uładzimir Pucin adznačyŭ, što chacieŭ by abmierkavać uvieś kompleks dvuchbakovych adnosin, i ekanomiku, i sacyjalnuju śfieru, a taksama sumiesnyja kroki dźviuch krain u Mytnym sajuzie, płany pa stvareńni Jeŭrazijskaha ekanamičnaha sajuza.
