Vice-premjer Rasii Dźmitryj Rahozin, jaki aktyŭna padtrymlivaje dziejnaść sieparatystaŭ-ekstremistaŭ na ŭschodzie Ukrainy zajaviŭ, što Ukraina nie puściła praz svaju pavietranuju prastoru samalot, na jakim jon nakiroŭvaŭsia ŭ Kišynioŭ.
Adpaviednaje paviedamleńnie Rahozin apublikavaŭ u svaim tvitery.
«Akazvajecca, nam lacieć da Kišyniova 4,5 hadziny. Praz Bałharyju i Rumyniju. Ukraina praz svaju prastoru nie prapuskaje», - zajaviŭ vice-premjer.
Jak paviedamlaje Publika.md, były premjer-ministr Małdovy Uład Fiłat nazvaŭ vizit Rahozina ŭ Kišynioŭ «tym, što adbyvajecca ŭ niepadychodny čas».
Rahozin mieŭsia brać udzieł va ŭračystaściach u Ciraspali (niepryznanaja Prydniastroŭskaja Respublika) z nahody Dnia Pieramohi. Paśla prylotu ŭ aeraport Kišyniova, jon adrazu pavinien byŭ skiravacca ŭ stalicu Prydniastroŭja.
