Hrodzienski aktyvist zarehistravanaj u Čechii arhanizacyi «Małady front» Stanisłaŭ Račkiel pryhavorany da 10 sutak administracyjnaha aryštu, paviedamlaje sajt spring96.org

Pavodle infarmacyi zakrytaha ŭładami pravaabarončaha centra «Viasna», sud nad Račkielem i jaho siabram (jaho imia nie nazyvajecca) prajšoŭ 8 maja ŭ sudzie Kastryčnickaha rajona Hrodna. Sudździa Alena Tołścik-Samojła pryhavaryła abodvuch da 10 sutak aryštu za drobnaje chulihanstva. 

Stanisłaŭ Račkiel i jaho siabar byli zatrymanyja 25 krasavika ŭ rajonie miascovaha aŭtavakzała. Na ich składzieny pratakoły nibyta za chulihanstva i raśpivańnie śpirtnoha ŭ hramadskim miescy, choć ekśpiertyza nie vyjaviła ałkaholu ŭ kryvi zatrymanych. Troje sutak maładyja ludzi praviali ŭ IČU, paśla čaho atrymali pozvy ŭ sud. 

Pravaabaroncy ličać pryhavor «jaŭna palityčna matyvavanym» i razhladajuć jaho jak praciah represij, razhornutych u dačynieńni da pradstaŭnikoŭ «Maładoha frontu» napiaredadni čempijanatu śvietu pa chakiei.

Nahadajem, napiaredadni čempijanatu śvietu pa chakiei, jaki pačynajecca ŭ Minsku 9 maja, u Biełarusi prajšli previentyŭnyja zatrymańni hramadskich aktyvistaŭ. Ciapier roznyja terminy administracyjnych aryštaŭ adbyvajuć kala dvuch dziasiatkaŭ hramadskich aktyvistaŭ. U liku asudžanych — lidar «Maładoha frontu» Dźmitryj Daškievič, jaki adbyvaje 25-sutačny aryšt.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?