Staršynia Adeskaj abłasnoj dziaržaŭnaj administracyi Ihar Palica zabaraniŭ 9 maja padčas demanstracyi razhortvać zamiežnyja ściahi, u tym liku, Rasijskaj Fiederacyi.
Pra heta Palica zajaviŭ žurnalistam paśla sustrečy z pradstaŭnikami palityčnych siłaŭ rehijonu.
«Padčas sustrečy z rasijskimi dypłamatami ja papiaredziŭ i paprasiŭ, kab padčas zaŭtrašniaj demanstracyi z nahody 9 Maja nie było rasijskich ściahoŭ. Zaŭtra pavinny być tolki ściahi Ukrainy i ściahi, pad jakimi vajavali našy vieterany. Ich bajavyja ściahi. Kali ŭ natoŭpie buduć rasijskija ściahi, to padyduć ludzi i vielmi vietliva paprosiać ich prybrać. Doma možacie viešać, što chočacie, a na vulicy ich vynosić nie treba», — skazaŭ Palica.
Jon dadaŭ, što zamiežnych ściahoŭ u hramadskich miescach być nie pavinna, što źjaŭlajecca narmalnym dla luboj suvierennaj krainy. Palica pryvioŭ u prykład Rasijskuju Fiederacyju, dzie pravaachoŭnyja orhany vielmi žorstka reahujuć na padobnyja prajavy.
