9 maja pradstaŭniki Biełaruskaj partyi levych «Spraviadlivy śviet» — prykładna 40 čałaviek — uskłali kvietki da manumienta Pieramohi ŭ Minsku. 

Hrupu ŭznačalvali staršynia partyi Siarhiej Kalakin, jaho namieśnik Valeryj Uchnaloŭ i aktyvist «Spraviadlivaha śvietu» Siarhiej Vaźniak. Vystupajučy pierad prysutnymi, Kalakin zajaviŭ: «My siońnia schilajem hałavu pierad zahinułymi i słavim žyvych vieteranaŭ vajny. My žadajem usiaho dobraha našamu šmatpakutnamu biełaruskamu narodu, jaki straciŭ padčas Vialikaj Ajčynnaj vajny kožnaha treciaha».

Lidar partyi zaznačyŭ, što «Spraviadlivy śviet» štohod adznačaje takija śviaty, jak Dzień Pieramohi. «My i ŭ saviecki čas uskładali kvietki, i siońnia ŭskładajem, i ličym, što heta — vialikaje śviata», — padkreśliŭ Kalakin. 

Palityk taksama prakamientavaŭ dyskusii ŭ hramadstvie nakont vykarystańnia hieorhijeŭskich stužačak. Jon škaduje, što «hieorhijeŭskuju stužačku apošnim časam palityzavali». 

«Hieorhijeŭskaja stužka zaŭsiody prysutničała ŭ Dzień Pieramohi, jana prysutničała na pamiatnym miedali pieramohi nad Hiermanijaj. Siońnia hetaje pytańnie palityzavanaje ŭ siłu taho, što adbyvajecca va Ukrainie, hety znak vykarystoŭvajecca jak simvał siońniašniaj baraćby. Ale ad hetaha hieorhijeŭskaja stužka, jakoj uznaharodžvali ŭsich pieramožcaŭ u 1945 hodzie, nie stała mienš značnaj», — upeŭnieny Siarhiej Kalakin.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?