Padčas tranślacyi vystupu Alaksandra Łukašenki na cyrymonii adkryćcia čempijanata śvietu pa chakiei na «Minsk-Arenie» źnik huk.

«Nie budu chavać, nam daviałosia pieraadoleć niamała składanaściaŭ i šantaž, palityčny cisk z boku peŭnych sił, jakija praduziata staviacca da Biełarusi. Na ščaście, pieramoh zdarovy sens i pavaha da spartyŭnych kaštoŭnaściaŭ. U składzie najmacniejšych chakiejnych kamand śvietu da nas pryjechali hulcy, jakija źjaŭlajucca lehiendami i zorkami suśvietnaj vieličyni…»

Na hetych słovach prapała śviatło, źnik i huk. Słovy Łukašenki pra šantaž na anhlijskuju movu tak i nie pierakłali.

Nieŭzabavie tranślacyja adnaviłasia, ale zamiest mikrafona Łukašenki ŭklučyłasia muzyka.

Kiraŭnik Biełarusi niešta kazaŭ bieź mikrafona, a paśla, pakazvajučy rukoj, pieradaŭ słova kiraŭniku suśvietnaj chakiejnaj fiederacyi. Raptam huk zapracavaŭ, i Łukašenka znoŭ pačaŭ svaju pramovu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?