Ministerstva zamiežnych spraŭ Rumynii zapatrabavała ad Rasiei rastłumačyć vykazvańni vice-premjera Rasiei Dźmitryja Rahozina ŭ adras Bucharesta. Pra heta havorycca ŭ aficyjnym pres-relizie rumynskaha MZS.

Niespakoj ŭ Buchareście vyklikała paviedamleńnie Rahozina ŭ jaho Tvitary, raźmieščanaje 10 maja. «Rumynija na patrabavańnie ZŠA zakryła majmu bortu pavietranuju prastoru. Ukraina znoŭ nie prapuskaje. U nastupny raz palatu na TU-160», — napisaŭ vice-premjer RF.

Paśla publikacyi pres-relizu rumynskaha MZS, Rahozin raźmiaściŭ jašče adnu pahrozu ŭ siabie ŭ zapisie. «Tak, spadary rumyny, my vam chutka usio patłumačym, chto vy takija i što my pra vas dumajem», — napisaŭ jon.

Nahadajem, raniej paviedamlałasia, što Rumynija i Ukraina nibyta nie vypuścili samalot Rahozina z Małdovy (Rahozin byŭ u Prydniastroŭi). Paźniej u MZS Ukrainy abvierhli zajavu Rahozina ab tym, što Ukraina nibyta zakryła svaju pavietranuju prastoru dla jaho. «Historyja z Rahozinym jak aniekdot pra «niaŭłoŭnaha Džo». Čamu «niaŭłoŭnaha»? Bo nikomu nie patrebnaha. Zastajecca tolki nabivać sabie canu i ŭjaŭlać siabie značnaj asobaj», — adznačyli ŭ MZS Ukrainy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?