Rada ES na ŭzroŭni ministraŭ zamiežnych spraŭ uviała sankcyi suprać kampanij u Krymie, jakija byli kanfiskavanyja va Ukrainy paśla anieksii paŭvostrava Rasijaj.
Pra heta havorycca ŭ vysnovach Rady ES, ahučanych paśla pasiadžeńnia pry ŭdziele kiraŭnikoŭ dypłamatyj 28 krain-členaŭ.
«U śviatle niadaŭnich padziej i pry adsutnaści krokaŭ pa deeskałacyi, Rada vyrašyła pašyryć krytery ŭ adnosinach da asobaŭ i kampanij, na jakija raspaŭsiudžvajucca zabarona na ŭjezd i zamarožvańnie aktyvaŭ. Heta tyčycca asob, adkaznych za aktyŭnuju padtrymku dziejańniaŭ ci palityki, jakija padryvajuć terytaryjalnuju cełasnaść, suvierenitet i niezaležnaść Ukrainy ci stabilnaść ci biaśpieku va Ukrainie, abo pieraškadžajuć rabocie mižnarodnych arhanizacyj va Ukrainie», — havorycca ŭ vysnovach.
«…Heta tyčycca dziejańniaŭ adnosna jurydyčnych asob, pradpryjemstvaŭ abo ustanoŭ u Krymie abo Sievastopali, čyje pravy ułasnaści byli pieradadzienyja ŭ supiarečnaści z ukrainskim zakanadaŭstvam, jurydyčnych asob, abo pradpryjemstvaŭ, ci ŭstanoŭ, jakija atrymali vyhadu pry pieradačy pravoŭ ułasnaści», — havorycca ŭ punkcie 9 vysnoŭ.
