Upraŭleńnie Śledčaha kamiteta Biełarusi pa Bresckaj vobłaści pravodzić pravierku pa fakcie śmierci 21-hadovaj žycharki Bresta, paviedamili ŭ USK pa Bresckaj vobłaści.

«Ustanoŭlena, što 20 maja 2014 hoda ŭ reanimacyjnym adździaleńni Bresckaj balnicy chutkaj miedycynskaj dapamohi pamierła 21-hadovaja dziaŭčyna, jakaja 19 maja 2014 hoda z dyjahnazam «anafiłaktyčny šok na ŭviadzieńnie lekavych preparataŭ» była dastaŭlena ź miedycynskaha centra «Łade», dzie naviedvała doktara-hiniekołaha», — raspaviali ŭ USK.

U miedcentry, raźmieščanym na praśpiekcie Mašerava, joj rabili lačebnuju manipulacyju pa praviercy prachodnaści macicavych trub.

Śledstva vyśviatlaje ŭsie abstaviny zdareńnia. Apytvajucca svajaki dziaŭčyny, jaje znajomyja, miedycynski piersanał miedycynskaha centra i balnicy. Kanfiskavanyja miedycynskija dakumienty, a taksama lekavyja preparaty, vykarystanyja pry abśledavańni. Pryznačana sudova-miedycynskaja ekśpiertyza, jakaja vyśvietlić dakładnuju pryčynu śmierci dziaŭčyny.

Śledstvam taksama daručana ŭpraŭleńniu achovy zdaroŭja Bresckaha abłvykankama adpaviednaja słužbovaja pravierka.

Ctała viadoma, što imia pamierłaj — Iryna Tromza.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?