Pavodle źviestak na ranicu 21 sakavika, pravam biaźvizavaha ŭjezdu ŭ Biełaruś padčas čempijanatu śvietu pa chakiei skarystalisia kala 29 tysiač zamiežnych hramadzian, paviedamiŭ pres-sakratar Dziaržaŭnaha pahraničnaha kamiteta Alaksandr Ciščanka.

Takuju mahčymaść zaŭziatary i hości ČS-2014 atrymali z 25 krasavika. 

Usiaho, pavodle słoŭ pres-sakratara Dziaržpahrankamiteta, pravam biaźvizavaha ŭjezdu ŭ Biełaruś skarystalisia balelščyki prykładna 50 krain.

Lidarami siarod ich źjaŭlajucca hramadzianie Łatvii.

Z 25 krasavika ŭ Biełaruś ich zajechała bolš za 10 tysiač; pavodle danych na 19 maja — 7 tysiač. Zatym iduć hramadzianie Litvy — kala 3.500, Polščy — 2.500, Słavakii — kala 2.000, Finlandyi — bolš za 1.700, Čechii — 1.500, Hiermanii — krychu mienš jak 1.500. 

Siarod balelščykaŭ, haściej i ŭdzielnikaŭ ČS-2014, jakija pierasiekli biełaruskuju miažu bieź viz, taksama 275 hramadzian Kanady i 432 — ZŠA. 

U Dziaržpahrankamitecie Biełarusi miarkujuć, što ŭ apošnija dni ČS-2014, kali pravodziacca matčy čverćfinału, paŭfinału i finału, napłyŭ zamiežnych haściej u Biełaruś uzraście. Ich nacyjanalnaja prynaležnaść budzie zaležać ad składu kamand, jakija praciahvajuć udzielničać u turniry.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?