U Redakcyju pryjšoŭ list ad byłoha supracoŭnika milicyi Alaksandra Sačniova. U 2000­-m jon skončyŭ Akademiju MUS. Ale karjera, jakaja adrazu składałasia niakiepska, zakončyłasia, kali paskardziŭsia ministru.

«Z 2000 pa 2005 ja pracavaŭ śledčym, ad 2005 da žniŭnia 2012 — na pasadzie staršaha opierupaŭnavažanaha pa asabliva važnych spravach Hałoŭnaha ŭpraŭleńnia kryminalnaha vyšuku KM MUS. Ź vieraśnia pa kastryčnik 2012 pracavaŭ učastkovym inśpiektaram Frunzienskaha RUUS (19.10. byŭ zvolnieny pa pahadnieńni bakoŭ). Dasłužyŭsia da padpałkoŭnika».

U červieni 2012 Alaksandr napisaŭ list­-skarhu ministru ŭnutranych spraŭ. Što supracoŭniki MUS (centralnaha aparata) budujuć kvatery z pryciahnieńniem ilhotnych kredytaŭ, a zatym ich zdajuć. «Ja mierkavaŭ, pakolki jany nie žyvuć u ich, značycca, nie adnosiacca da tych, chto maje patrebu. Moj znajomy milicyjant z žonkaj i dvuma małaletnimi dziećmi tulicca ŭ adnapakajoŭcy, a čarha na budaŭnicva jašče jak daloka. Praz takich «kiemlivych» aficeraŭ jamu daviadziecca čakać doŭha. Taksama ŭ liście ja ŭkazaŭ, što načalnik hałoŭnaha adździeła kryminalnaha vyšuku ŭ 2010 pa asabistym rasparadžeńni ministra Kulašova znachodziŭsia ŭ kamandziroŭcy ŭ Viciebsku. Ale padčas kamandziroŭki adjazdžaŭ u Minsk, nie vyzvalajučy numar haścinicy. Adsutničaŭ 3­4 dni. U stalicu jon jeździŭ, kab zarehistravać šlub: u takim razie jon zachoŭvaŭ čarhu na atrymańnie dvuchpakajoŭki. U spravazdačnych dakumientach jon ža paznačyŭ uvieś termin kamandziroŭki, z ulikam dzion, što pravioŭ u Minsku. Hrošy za pusty numar haścinicy i sutkavyja apłaciła dziaržava».

«Pa vynikach pravierki pa maim zvarocie, jakuju pravodziła Hałoŭnaje ŭpraŭleńnie asabistaj biaśpieki MUS, u adnosinach da mianie pryniata nastupnaje: «panizić na pasadzie za parušeńnie słužbovaj dyscypliny, što vyjaviłasia ŭ ździajśnieńni dziejańniaŭ, nakiravanych na destabilizacyju maralna­psichałahičnaha klimatu ŭ Hałoŭnym upraŭleńni kryminalnaha vyšuku kryminalnaj milicyi MUS i dyskredytacyju padraździaleńnia pierad kiraŭnictvam MUS, a taksama prajaŭlenuju padčas pravierki niaščyraść». Napeŭna, lepš było b pramaŭčać, tady praciahnuŭ by pracu. Ale ŭ milicyju ja pryjšoŭ asensavana».

Alaksandr padaŭ pazoŭ u sud z patrabavańniem, kab z pasłužnoha śpisu vyklučyli haniebnuju farmuloŭku. Ale jamu admovili: prapuściŭ terminy na abskardžvańnie. «Ale pradstaŭniki MUS na sudzie adznačyli, što padadzienyja mnoj u zvarocie fakty paćvierdzilisia tolki adnosna nieabhruntavanaha atrymańnia sutkavych supracoŭnikam. Maŭlaŭ, u dakumienty aficer unios niapravilnyja źviestki praź niaŭvažlivaść.

I ź jakoha aficera mnie brać prykład? Z taho, chto na pravach načalnika ihnaruje rasparadžeńnie ministra, a paśla «zabyvajecca» viarnuć dziaržavie hrošy? Albo taho, chto pabudavaŭ pa lhotnym kredycie kvateru, zdaje jaje i zarablaje na hetym? Sam — ilhotnik, žyvu ŭ pabudavanaj u kredyt kvatery. Budavaŭ, bo nie było dzie žyć. Ramont rablu da siońnia».

Mužčyna aburajecca niaščy­raści byłych kalehaŭ. «I tak robiać ludzi, jakija ŭdzielničajuć u stvareńni i realizacyi zakonaŭ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?