Biełaruś i Rasija pakul nie zmahli damovicca pa ŭmovach stvareńnia aljansu MAZa i KAMAZa, paviedamiŭ 21 maja pieršy vice-premjer Biełarusi Uładzimir Siamaška, adkazvajučy na pytańni žurnalistaŭ u Minsku.

«Rabočaja hrupa pa hetym pytańni paŭtara tydnia źbirałasia i pakul da jakoj-niebudź zhody nie pryjšła. Heta tema budzie znoŭ abmiarkoŭvacca 23 maja ŭ Sankt-Pieciarburhu»,— skazaŭ jon. 

Pavodle słoŭ Siamaški, isnujuć razychodžańni, jakija nie dazvalajuć bakam dasiahnuć kampramisu adnosna paŭnamoctvaŭ kiraŭnictva kirujučaj kampanii. 

«Biełaruski bok zychodzić z taho, što možna ŭ miežach chołdynhu, jakomu pieradajecca ŭpraŭleńnie MAZam i KAMAZam, vyrašyć hetyja pytańni», — skazaŭ pieršy vice-premjer. Rasijski bok, pavodle jaho słoŭ, ličyć, što stvarać kirujučuju kampaniju bieź pieradačy joj akcyj dvuch pradpryjemstvaŭ niemahčyma. «Rasijski bok hatovy da stvareńnia chołdynhu tolki tady, kali va ŭłasnaść hetaj kampanii buduć pieradadzieny akcyi MAZa i KAMAZa», — rastłumačyŭ Siamaška. 

Nahadajem, u pačatku 2013 hoda Biełaruś i Rasija vyznačyli piać prajektaŭ u pramysłovaj śfiery, u miežach jakich płanavałasia stvaryć sumiesnyja biełaruska-rasijskija pradpryjemstvy. Mierkavałasia, što SP buduć stvoranyja z udziełam «Minskaha zavoda kołavych ciahačoŭ» i arhanizacyj abaronna-pramysłovaha kompleksu Rasii; biełaruskaha «MAZa» i rasijskaha «KAMAZa»; arhanizacyj Raskosmosu i biełaruskaha «Pielenha»; AAT «Hrodna Azot» i rasijskaha AAT «MCHK «Jeŭrachim»; biełaruskaha AAT «Intehrał» i AAT «Rasijskaja elektronika». Da hetaha času nivodzin ź pieraličanych vyšej prajektaŭ nie realizavany.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?