Staršynia praŭleńnia BATE Anatol Kapski padzialiŭsia ŭ intervju «Sovietskomu sportu» mierkavańniem ab pavodzinach rasijskich zaŭziataraŭ.

— Napeŭna čuli pra toje, što niadaŭna adbyłosia ŭ Sankt-Pieciarburhu [biesparadki padčas matču «Zienit» — Dynama»]. Ci isnuje prablema zaŭziataraŭ u Biełarusi?

— Vydatna abaznany ab tym, što adbyvajecca ŭ Rasijskaj futbolnaj premjer-lizie. Z adnaho boku, u Rasii niadaŭna byli pryniatyja surjoznyja zakanadaŭčyja miery z žorstkim padychodam. Ja ryzykuju narvacca na krytyku našaha fan-siektara, ale jość rečy, praź jakija pierachodzić nielha. U nas byli kanflikty, źviazanyja z roznaj zabaronienaj simvolikaj. Dla mianie prosta było dzikaściu pačuć ad picierskich fanataŭ abrazy ŭ adras Jašyna. Čaściakom trybuny ŭ svaich metach vykarystoŭvajuć ludzi, jakim načchać na futboł. Kali ŭ nas budzie niešta padobnaje, budziem prymać miery.

— My byli na matčy BATE — «Dynama Minsk», paŭtary hadziny i nie pačuli nivodnaha maciuka, i heta dziŭna.

— Byvaje ŭsio, ale ŭ cełym u nas narod krychu inšy. Niadaŭna pravodziŭ dziełavuju sustreču ŭ Minsku, heta było pierad hulnioj Rasii i Kazachstana na chakiejnym čempijanacie śvietu. Na svaje vočy bačyŭ šmat padvypiŭšych zaŭziataraŭ. Potym pračytaŭ u presie statystyku pravaparušeńniaŭ. Akazałasia, što kolkaść złačynstvaŭ padčas praviadzieńnia pieršynstva skaraciłasia. U nas byli zaściarohi na kont taho, što ludzi, pra jakija my kazali, vykarystoŭvajuć śviata 9 maja ŭ svaich metach. Na ščaście, usio prajšło cicha i mirna. My maleńki, ale hordy narod i nie žadajem, kab u krainie daminavali ruskija, palaki ci chto-niebudź inšy, ale pry hetym rady ŭsim haściam, kali jany, vobrazna kažučy, nie lezuć z nahami na stoł, — skazaŭ Kapski.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?