Aktyvist nacyjanał-balšavickaha ruchu Dźmitryj Palijenka vykłaŭ u internet zapis razmovy ź milicyjantam. Chłopca pryjšli zabrać na sutki pierad 9 Maja. Ale jon admoviŭsia ŭpuścić milicyjanta, i dyjałoh adbyvaŭsia praz zamknionyja dźviery.

— Ty zaŭtra chočaš sieści nadoŭha?

— Kudy sieści?

— U turmu. Zaŭtra jaki dzień — 9 Maja.

— I što?

— Infarmacyja jość, što ty chočaš zaŭtra niešta narabić.

— Infarmacyja była, što i na Dzień Voli ja chacieŭ niešta narabić.

— Na Dzień Voli tady padstrachavalisia…

Aktyvistu abiacali dvoje sutak aryštu, kali jon dobraachvotna pajedzie ŭ adździaleńnie. Ale Palijenka admoviŭsia. Tady milicyjanty pajšli na chitryki.

«Jany adklučyli śviatło. Ja paprasiŭ baćku, kab jon vyjšaŭ i ŭklučyŭ. A jak tolki jon adamknuŭ dźviery, čaćviorka milicyjantaŭ uvaliłasia i paciahnuła mianie na vulicu. Advieźli ŭ adździeł milicyi na Anharskaj, zatym u sud, potym u Zavodskaje RUUS, adtul — u izalatar. 10 sutak dali: niby ja łajaŭsia i razmachvaŭ rukami. Pahražali, što napišuć jašče i supraciŭleńnie».

Palijenka adznačyŭ, što milicyjanty byli biez formy, dakumientaŭ nie pakazvali. A čałaviek, ź jakim jon niepasredna razmaŭlaŭ, nazvaŭsia ŭčastkovym. Chacia, pa słovach chłopca, učastkovy ŭ jaho inšy. Jon ža zatrymlivaŭ chłopca i papiaredni raz — 24 sakavika. Tady Dźmitryju prapanavali ździełku: jon padpisvaje pratakoł i adpraŭlajecca na 2 sutak. Ale ŭ vyniku «zakryli» na 13 sutak.

«Abiacaŭ, što pratrymaje mianie da 26 sakavika i adpuścić. Skłaŭ pratakoł i vypisaŭ štraf. Ja davieryŭsia, padpisaŭ. A paśla advieźli ŭ sud».

Pierad tym chłopca zatrymali za hrafici. Tady jaho źbili ŭ adździaleńni milicyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?