Biełaruskija raspracoŭščyki nie vielmi časta milhajuć u Google Play, a tym bolš u App Store. Voś i ŭjavicie sabie, što značyć znajści mabilnyja prahramy na rodnaj movie. Voś niekatoryja ź ich.

MOVA

iTunes abo Google Play

U kampanii velcom vyrašyli, što Apple možna čakać, ale nie dačakacca, tamu sami intehravali biełaruskuju kłavijaturu ŭ iOs-pryłady. Pracuje ŭsio vielmi prosta: na biełaruskaj raskładcy vy pišacie pra toje, jak kruta učora patusili / paspali / pajeli / palažali. Pry nieabchodnaści MoVa pierakładzie z ruskaj i anhielskaj na rodnuju movu. Biełaruski tekst možna adpravić u vk.com, Facebook, Twitter ci zładzić sms-rassyłku ŭsioj telefonnaj knizie. Intehracyi ŭ Instagram niama, ale z hetym lohka spraŭlajecca bufier abmienu, tak što #śniadanku #pryhažosci #kvietkam być.

Karystalniki dadatak acanili: radujucca, pryznajucca ŭ lubovi i kažuć velcom «dziakuj». Biez łajfchakaŭ taksama nikudy: «A kali kupić smartfon ad «Majkrasofta» i paznačyć, što vy žyviacie ŭ Biełarusi, dyk uvieś interfiejs smarta budzie na biełaruskaj movie, nie kažučy pra kłavijaturu». Z mahčymych 5 bałaŭ na Google Play MoVa pakul nabiraje 4,8, a karystalniki dapamahajuć vypraŭlać bahi: «Dadajcie aŭtavypraŭleńnie i zrabicie tak, kab možna było adrazu vydalić usio, što napisaŭ. A tak usio vielmi dobra».

Go Minsk 

iTunes abo Google Play

Pra hetuju prahramu my ŭžo padrabiazna pisali. Zdavałasia b, zvyčajny hid pa Minsku, jakich u App Store i Google Play proćma. Ale nichto jašče nie uklučaŭ izalatary na Vaładarskaha i Akreścina ŭ śpis «Kultura». Varta zaŭvažyć, što kulturnuju častku minskija daviedniki ŭvohule abychodziać bokam, a Go Minsk prapanuje i ŁHBT-špacyr, i «Pačvarny Minsk», i piša, što rabiłasia na Kastryčnickaj płoščy ŭ 2006 hodzie.

Karystalniki nie skupiacca na chvały: «Dosyć niebłahi hajd z kupaj cikavych miejscaŭ i dobrym dyzajnam. Asabliva paradavała najaŭnaść špacyroŭ, praŭda, škada, što biez zdymkaŭ». Jość i niedachopy: naprykład, u «Chani-Bani» ŭžo nielha kuryć, a «Pieršamajski» paśla 22:00 pierastaŭ być kruhłasutačnym. Ale Go Minsk atrymlivaje svaje zasłužanyja 4,8 z 5.

Test PDR 

iTunes abo Google Play

Prahrama ad pdd.by «Test pa praviłach darožnaha Ruchu Respubliki Biełaruś» pradstaŭlena i na biełaruskaj movie. Tut jość zaliki pa ŭsich temach PDR, a taksama ahulny ekzamien. Karystacca prosta: naciskaješ «Start» — i napierad. Na kožny zalik i na ekzamien advodzicca pa 15 chvilin.

U naładach možna admovicca ad padliku pamyłak, možna vyklučyć huk, vybrać hukavuju schiemu — ich usiaho dźvie: novaja i kłasičnaja (pieršaja kruciejšaja: pry naciskańni knopki «Start» zavodzicca mašyna).

Karystalniki pišuć, što «ŭ cełym niadrenna, ale jość šmat niuansaŭ». «Kali rychtavałasia da ispytu ŭ DAI, heta prahrama mnie vielmi dapamahła. Ciapier časam zaziraju, kab aśviažyć u pamiaci niekatoryja momanty», — pryznajecca niechta Taćciana Hlinskaja. A Yauhen Lazurkin narakaje, što prahrama «pavolnaja i ź nijakaj juzabilici. Luby pierachod supravadžajecca zatrymkaj. Juzabilici naohuł nie pradumana. Zamiest krutych fič lepš by źviarnuli ŭvahu na jakaść». 4,6 z 5.

 «Zajkava chatka» 

iTunes

Biełaruskaja kazka, jakaja pradstaŭlena na anhlijskaj, polskaj, ruskaj i ŭkrainskaj movach. Ilustracyjami zajmałasia Nataša Čatkova, a raspracoŭščyki zrabili ich interaktyŭnymi: zajka, naprykład, budzie rabić charakternyja ruchi, kali na jaho naciśnieš. Čytać možna pad fonavuju muzyku, jakaja choć i pryhožaja, ale, jość padazreńni, adciahvaje ŭvahu.

Na žal, zroblenaja «Zajkava chatka» tolki pad iPad. Ale kali heta nie prablema, to spakojna možacie jaje kuplać svajoj malečy. Tak, prahrama płatnaja - 0,99$, ale, niahledziačy ni na što, «Zajkava chatka» atrymlivaje svaje 4+ u App Store.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?