U intervju Ksienii Sabčak dla telekanała «Doždž» Alaksandr Łukašenka vykazaŭsia adnosna padziej va Ukrainie.

Sabčak adrazu spytałasia, ci ličyć kiraŭnik Biełarusi ŭzbrojenych ludziej u Daniecku i Łuhansku sieparatystami.

«Z punktu hledžańnia prava refierendumy ab fiederalizacyi ŭ Danieckaj i Łuhanskaj abłaściach Ukrainy nie majuć nijakaha značeńnia. Ja nie kažu, u jakich umovach pravodziŭsia refierendum… Luby refierendum pavinien pravodzicca na padstavie kanstytucyi.

Vielmi mnoha nałamali drovaŭ va Ukrainie. Ja viedaju situacyju va Ukrainie lepš, čym mnohija ŭ Rasii. U mianie jość ludzi, što zvoniać u Danieck i Łuhansk prostym hramadzianam — ludziej tam adurmanili.

Pucin maje racyju, što treba pahavaryć z tak zvanymi sieparatystami».

A chto pavinien havaryć? — spytałasia Sabčak.

«Havaryć pavinna ŭkrainskaja ŭłada, a nie Pucin. Chto Pucina prymie tam, heta čužaja kraina.

Pakul va Ukrainie nie budzie nacyjanalnaha lidara — tam budzie bardak.

Možna kazać «sieparatysty», «fašysty», ale ničoha ad hetaha nie źmienicca». Nazvać hetych ludziej «sieparatystami» Łukašenka tak i nie advažyŭsia.

«Ja za Ukrainu jak adzinuju celnuju dziaržavu, našu Ukrainu, słavianskuju.

Pucin dobra viedaje, što ja suprać fiederalizacyi. Ja publična zaŭlaŭ, što za adzinuju i celnuju krainu.

Nie budzie ŭkrainskaha scenaru ŭ Biełarusi, pakul ja prezident».

Клас
0
Панылы сорам
0
Ха-ха
0
Ого
0
Сумна
0
Абуральна
0