Supiermen, Tor, Žalezny čałaviek i niekalki inšych supierhierojaŭ nieśli trunu padčas pachavańnia piacihadovaha Brejdana. 

Maleńkamu Brejdanu Dentanu ź Indyjany (ZŠA) pastavili dyjahnaz «rak mozha» 20 krasavika 2013 hoda. Z taho času pačałosia jaho zmahańnie z chvarobaj, jakaja patrochu, ale niaŭmolna pieramahała. 

«Spačatku jon pierastaŭ chadzić. Terapija na niejki čas dapamahła, jon zmoh padniacca z łožka. Potym jamu znoŭ stała horš, jon byŭ navat nie ŭ stanie što-niebudź źjeści ci vypić…» — raspaviadaje maci Brejdana Stejsi Dentan. 

Pa słovach Stejsi, padčas kožnaj pracedury ŭ chłopčyka była z saboju fihurka niejkaha supierhieroja. Brejdan z trochhadovaha ŭzrostu byŭ vialikim fanatam supierhierojaŭ. Bolš za ŭsich jon lubiŭ Čałavieka-pavuka.

8 maja chłopčyk pamior. Stejsi vyrašyła naležnym čynam ušanavać mužnaść maleńkaha čałaviečka, jaki zmahaŭsia da apošniaha. 

«Ja adčuvała, što, kali b syn hladzieŭ na nas ź niabiosaŭ, jon byŭ by ščaślivy», — kaža jana. 

Siarod tych, chto nios trunu, byŭ brat Stejsi ŭ roli Tora i jaje stryječny brat, apranuty Žaleznym čałaviekam. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?