«Zastałosia paspačuvać tym, dla kaho pośpiech našaj krainy kostkaj u horle. Zrešty, u antydziaržaŭnych ŚMI, jakija čaho tolki nie pisali pra naš čempijanat, zdaryŭsia razryŭ šabłona», — zajaviŭ padčas svajoj pieradačy ŭ efiry dziaržaŭnaj telekampanii jaje kiraŭnik, kaliści akcior, a ciapier funkcyjanier.

«Toje, što ja ŭbačyŭ, mianie pryjemna ździviła. Zručna, kamfortna, ciopła i hałoŭnaje — bačna jak na dałoni. «Arena» sapraŭdy stvoranaja dla ludziej. I naviedvalniki realna kajfujuć. Dla ludziej heta śviata. Dla našych i dla turystaŭ.

Ja daloki ad dumki, što sport moža stać nacyjanalnaj idejaj. Ale spartovyja pieramohi dobra raźvivajuć u ludziach patryjatyzm», —

začytaŭ jon vytrymki z kamientara namieśnika hałoŭnaha redaktara «Našaj Nivy» Źmitra Pankaŭca, nie nazvaŭšy ni nazvu haziety, ni imia aŭtara.

«Da hetaha momantu ja dumaŭ: što dla patryjota dobra, to dla apazicyjaniera asinavy koł. Nu niaŭžo našyja apazicyjaniery stali patryjotami ŭ dziaržaŭnym razumieńni?» — praciahnuŭ jon.

«Moža, chopić napadać na ŭładu? Jak ščyraść hetaha… nie viedaju… chto tam cytavaŭ, što jon realna kajf złaviŭ ad taho, što ŭ Minsku ŭbačyŭ…» — nieŭzabavie viarnuŭsia da temy futbolny ahladalnik, hałoŭny redaktar samaj praprezidenckaj dziaržaŭnaj haziety.

«Ale heta treba było mieć mužnaść, kab pryznacca ŭ hetym», — pierabiŭ jaho toj samy namienkłaturny akcior.

«Dy jakuju mužnaść? Siadzieŭ by za piečkaj i hanaryŭsia saboj. Zajeli duraki, jak adzin hieroj kazaŭ. Jašče na heta čas hublać», — praciahnuŭ hazietčyk.

«Kali ŭ antydziaržaŭnaj haziecie pačynajuć chvalić dziaržaŭnaha čałavieka, hetaha čałavieka treba zvalniać», – paraiŭ akcior.

«Pryvatnaja kanfarmisckaja hazieta, uvahu da jakoj z boku hramadskaści praź mikraskop možna ŭbačyć.

I nie chaču pra jaje havaryć, tamu što ničoha tam nie vyražajučaje, ułasnyja aluzii i ŭłasnyja [nierazborliva, pierabita akcioram] pracesy demanstruje ŭžo šmat hadoŭ, tamu… [nierazborliva, pierabita akcioram]», — vynies svoj prysud futbolny ahladalnik. I taksama nie nazvaŭ haziety: prapahandystam nie pałožana.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?