Salihorskim rajonnym adździełam Śledčaha kamiteta Biełarusi raspačata kryminalnaja sprava pa fakcie zabojstva, ździejśnienaha z asablivaj žorstkaściu ŭ dačynieńni da sastarełaj žančyny, paviedamili va ŭpraŭleńni SK pa Minskaj vobłaści.

Uviečary 25 maja ŭ adnoj z kvater Salihorska byŭ znojdzieny trup piensijanierki 1939 hoda naradžeńnia z prykmietami hvałtoŭnaj śmierci.

Pa papiarednich dadzienych śpiecyjalistaŭ Dziaržaŭnaha kamiteta sudovych ekśpiertyz, na trupie vyjaŭlenyja šmatlikija paškodžańni ŭ vyhladzie kołata-rezanych ranieńniaŭ, jakija znachodziacca ŭ pramoj pryčynnaj suviazi sa śmierciu. «U ździajśnieńni dadzienaha złačynstva abhruntavana padazrajecca miascovy žychar 1995 hoda naradžeńnia, jaki byŭ špitalizavany ŭ lakarniu z rezanymi ranami pravaha pieradplečča. Pa adnoj ź viersij śledstva, padazravany zrabiŭ sprobu suicydu», — raspaviali va USK pa Minskaj vobłaści.

U ciapierašni čas małady čałaviek znachodzicca ŭ izalatary časovaha ŭtrymańnia, ź im pracujuć śledčyja. Majucca važkija padstavy dla pryznačeńnia ŭ dačynieńni da zatrymanaha praduhledžanych zakonam daśledavańniaŭ. «Ź miesca zdareńnia ŭ jakaści rečyŭnych dokazaŭ kanfiskavanyja i dałučanyja da materyjałaŭ kryminalnaj spravy roznyja pradmiety, jakija śviedčyć ab dačynieńni padazravanaha da zabojstva žančyny. Usie zdabytyja materyjały vyvučajucca śledčymi i ekśpiertami», — adznačyli ŭ USK.

Kryminalnaja sprava ŭzbudžanaja pa p.p.2, 6 č.2 art.139 (zabojstva sastarełaj asoby, učynienaje z asablivaj žorstkaściu) KK Biełarusi. Śledčyja dziejańni, nakiravanyja na ŭstalavańnie poŭnaj karciny taho, što adbyłosia, praciahvajucca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?