Pravaabaronca Nasta Łojka atrymała list ad Alesia Bialackaha z Babrujskaj turmy. U apošnich listach Aleś šmat piša pra Ukrainu. Łojka pryvodzić u svaim fejsbuku cytaty:

«Što ž tyčycca ichniaha kanflikt, dyk karani jaho — cyvilizacyjnyja i kulturnyja, a tolki potym ekanamičnyja. Dla ich (danieckich i łuhanskich) kaštoŭnaści jeŭrapiejskija — čužyja. Prynamsi, dla starejšaha pakaleńnia i dla małaadukavanaj moładzi. Tam, u ich ujaŭleńni — raspusta i biazładździe. A voś aŭtarytarnaja madel Rasii — heta toje, što jany razumiejuć i što bližej da postsavieckaha varyjantu. Plus ruskaja mova, muzyka, filmy. I ŭ hetym kulturna-moŭna-histaryčnym katle jany adčuvajuć siabie ŭtulna, svaimi. I zusim inšaja situacyja ŭ toj ža Adesie, dzie žyvie bolšaść ruskich. Ale jany adčuvajuć siabie bolš dałučanymi da jeŭrapiejskich kaštoŭnaściaŭ, čym da ruskaha śvietu. Tamu tam — cyvilizacyjny razłom. I kab niejak navieści masty, załatać dzirki, musiać pracavać niaŭradavyja arhanizacyi. Bo ruskaja kultura i śviadomaść — jana taksama jeŭrapiejskaja, tolki zamknionaja i svojeasablivaja, admietnaja dziela admietnaha histaryčnaha šlachu. Ale ŭsie najlepšyja kliše raźvićcia ŭ Rasii i rasijanaŭ usio roŭna jeŭrapiejskija, choć jany i nie chočuć (častka ź ich) hetaha pryznavać…»

Pravaabaronca Aleś Bialacki byŭ źniavoleny za zbor srodkaŭ na dapamohu represavanym u Biełarusi. Łukašenkaŭcy źvinavacili jaho ŭ niaspłacie padatkaŭ — prytym što lehalna źbirać takuju dapamohu ŭ Biełarusi niemahčyma.

Niekalki hadoŭ zapar Bialackaha naminavali na Nobieleŭskuju premiju miru.

Клас
Панылы сорам
Ха-ха
Ого
Сумна
Абуральна