Jak stała viadoma BiełaPAN, dypłamat pakinie Biełaruś u kancy červienia. Imia novaha kiraŭnika amierykanskaj dypmisii pakul nie nazyvajecca.

Itan Hołdryč byŭ pryznačany časovym pavieranym u spravach ZŠA ŭ Biełarusi letam 2012 hoda. Da pryznačeńnia ŭ Minsk jon zajmaŭ pasadu dyrektara ŭpraŭleńnia pa spravach Kaŭkaza i rehijanalnych kanfliktaŭ biuro pa jeŭrapiejskich i jeŭrazijskich spravach Dziarždepartamienta.

Nahadajem, pasadu ambasadara ZŠA ŭ Biełarusi zastajecca vakantnaj z sakavika 2008 hoda, paśla dypłamatyčnaha kanfliktu pamiž Minskam i Vašynhtonam. Padstavaj dla kanfliktu stali sankcyi ZŠA ŭ dačynieńni da kancerna «Biełnaftachim», uviedzienyja ŭ suviazi z parušeńniami pravoŭ čałavieka ŭ Biełarusi. Nieŭzabavie paśla hetaha ambasadar Biełarusi ŭ ZŠA Michaił Chvastoŭ byŭ adklikany z Vašynhtona dla kansultacyj, a Minsk pa patrabavańni biełaruskaha boku pakinuła pasoł Karen Ściuart. Kolkaść amierykanskich dypłamataŭ u Minsku pa patrabavańni biełaruskaha boku była skaročana z 35 da piaci supracoŭnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?