Śledčym kamitetam raspačata kryminalnaja sprava ŭ dačynieńni da rektara dziaržaŭnaj ustanovy adukacyi «Instytut kultury Biełarusi» (Inbiełkult). Kiraŭnik ustanovy padazrajecca ŭ atrymańni chabaru, paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova.

Ustanoŭlena, što rektar instytuta, majučy namier na atrymańnie dla siabie materyjalnych kaštoŭnaściaŭ, atrymaŭ chabar u pamiery 2000 dalaraŭ ZŠA za spryjalnaje rašeńnie pytańniaŭ, jakija ŭvachodziać u jaho kampietencyju.

Kryminalnaja sprava zaviediena na padstavie materyjałaŭ, pradstaŭlenych UBEP HUUS Minharvykankama, supracoŭniki jakoha zatrymali padazravanaha ŭ momant atrymańnia chabaru.

Dziejańni słužbovaj asoby kvalifikavanyja pa č. 1 art. 430 Kryminalnaha kodeksa Respubliki Biełaruś, ź im pracujuć śledčyja.

Padrabiaznaści zatrymańnia buduć paviedamlenyja dadatkova.

Dziaržaŭnaja ŭstanova adukacyi «Instytut kultury Biełarusi» stvorany ŭ 2010 h., źjaŭlajecca ŭstanovaj dadatkovaj adukacyi darosłych, jakaja zabiaśpiečvaje pavyšeńnie kvalifikacyi i pierapadrychtoŭku kadraŭ u śfiery kultury. Inbiełkult źjaŭlajecca pravapierajemnikam ustanovy adukacyi «Biełaruski dziaržaŭny instytut prablem kultury» (BiełDIPK), jaki pačaŭ svaju dziejnaść u 1991 h. 

Na sajcie Inbiełkulta rektaram nazyvajecca Kanstancin Ramišeŭski.

Клас
0
Панылы сорам
0
Ха-ха
0
Ого
0
Сумна
0
Абуральна
0