Va ŭzajemadziejańni Biełarusi i Kitaja nieabchodna pavialičvać pramoje inviestavańnie.

Ab hetym zajaviŭ siońnia Alaksandr Łukašenka na sustrečy z pradstaŭnikami dziełavych kołaŭ Kitajskaj Narodnaj Respubliki, delehacyju jakich uznačalvaje staršynia praŭleńnia Kitajskaj nacyjanalnaj mašynabudaŭničaj karparacyi «Sinamač» Žeń Chunbiń.

«My paśpiachova pierajšli ad prostaha handlu da realizacyi kredytna-inviestycyjnych prajektaŭ u roznych śfierach. Siarod ich - enierhietyka, drevaapracoŭka, budaŭnictva, transpart, asvajeńnie kosmasu. Adnak nam nieabchodna pašyrać uzajemadziejańnie ŭ formie pramoha inviestavańnia», - pierakanany kiraŭnik biełaruskaj dziaržavy.

Vitajučy pradstaŭničuju delehacyju kitajskaha biźniesu na biełaruskaj ziamli, Alaksandr Łukašenka vykazaŭ upeŭnienaść, što tut jany znojduć śfiery prykładańnia dla samych dziełavych talentaŭ i idej. «Siońniašni vizit źjaŭlajecca zakanamiernaj realizacyjaj našych adkrytych i družalubnych damoŭlenaściej sa staršynioj KNR Si Czińpinam i premjeram dziaržsavieta KNR», - skazaŭ jon.

Jon nahadaŭ, što ŭ lipieni 2013 hoda kiraŭniki Biełarusi i KNR padpisali sumiesnuju dekłaracyju, u jakoj zakładzieny asnoŭny pryncyp uzajemadziejańnia dźviuch krain na pierśpiektyvu: usiebakovaje stratehičnaje partniorstva. U dekłaracyi adznačana ahulnaje imknieńnie Biełarusi i Kitajskaj Narodnaj Respubliki vyvieści supracoŭnictva na novy ŭzrovień z akcentam na inviestycyi ŭ sučasnyja vysokatechnałahičnyja prajekty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?