Niekalki rasijskich ŚMI raspaŭsiudzili vydumanaje «Pieršym kanałam» vykazvańnie pres-sakratara Dziarždepu ZŠA Dženifier Psaki pra ŭkrainskich uciekačoŭ, pieradaje vydańnie Slon.ru.

17 červienia viadučy Alaksandr Hardon u pieradačy «Palityka» na Pieršym kanale zajaviŭ, što ŭ dyjałohu z žurnalistam Associated Press Metam Li Psaki admoviłasia pryznać najaŭnaść ŭkrainskich uciekačoŭ na terytoryi Rastoŭskaj vobłaści, skazaŭšy: «Heta prosta turysty. Naprykład, kažuć, u rastoŭskich harach vydatnaje lačebnaje hornaje pavietra».

Paźniej, 20 červienia, niekatoryja rasijskija ŚMI, siarod jakich «Rasijskaja hazieta», «Lenta.ru» i «Rasija 24» apublikavali adpaviednyja naviny, spasyłajučysia na AP.

Jak paviedamiŭ Slon.ru sam Met Li, takoha dyjałohu z pres-sakratarom Dziarždepu ZŠA ŭ jaho nie było ni na adnym z bryfinhaŭ. Akramia taho, pracytavanaje Hordanam vykazvańnie adsutničaje ŭ rasšyfroŭkach bryfinhaŭ, jakija publikujucca na sajcie Dziarždepartamienta. U pres-słužbie «Pieršaha kanała» paabiacali dać vydańniu aficyjny kamientar, jak tolki «raźbiarucca ŭ situacyi».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?