Słužba biaśpieki Ukrainy atrymała čarhovyja dokazy datyčnaści pradstaŭnikoŭ śpiecsłužbaŭ Rasijskaj Fiederacyi da arhanizacyi terarystyčnaj dziejnaści va Ukrainie.
Pra heta paviedamlaje pres-słužba SBU.
U paviedamleńni adznačajecca, što 4 lipienia kontrvyviedkaj SBU na terytoryi Charkaŭščyny zatrymanyja dvoje hramadzian Ukrainy.
«Jany ŭ składzie raźviedvalna-dyviersijnaj hrupy HRU Hienštaba VS RF pad kiraŭnictvam Ihara Bieźlera pa mianušcy «Bies», zachoplivali adminbudynki orhanaŭ dziaržaŭnaj ułady i pravaachoŭnych orhanaŭ Ukrainy, brali zakładnikaŭ i viali bajavyja dziejańni suprać ukrainskich vajskoŭcaŭ», - skazana ŭ paviedamleńni.
Pa śviedčańniach bajevikoŭ, ich hrupa była sfarmiravanaja pradstaŭnikami HRU HŠ VS RF i prajšła śpiecyjalnuju bajavuju padrychtoŭku ŭ łahiery rasijskaj śpiecsłužby na terytoryi AR Krym.
Asnoŭnaja ŭvaha pry padrychtoŭcy nadavałasia avałodańniu navykami prymianieńnia strałkovaj zbroi i ździajśnieńnia dyviersij na roznych abjektach infrastruktury i žyćciadziejnaści.
U dalejšym, hrupa była nielehalna pierapraŭlenaja rasijskaj vajennaj vyviedkaj na terytoryju Ukrainy praz Rastoŭskuju vobłaść RF kanałam, jaki kantralavaŭsia pamiežnikami FSB Rasii.
