Učora, 15 lipienia, na čyhunačnym pierajeździe «Charabrova», pry ŭjeździe ŭ Oršu (Viciebskaja vobł.), źjavilisia raspaŭsiudniki ściažkoŭ z rasijskaj simvolikaj.
Pra heta paviedamiŭ śviedka padziej, aktyvist arhkamiteta pa stvareńni partyi «Biełaruskaja chryścijanskaja demakratyja» Jaŭhien Aniščanka, piša miascovy sajt orshaby.com.
Aktyvisty vyklikali supracoŭnikaŭ milicyi na pierajezd «Charabrova». «Treba addać naležnaje — milicyja spracavała apieratyŭna. Raspaŭsiudniki simvoliki byli dastaŭlenyja ŭ addzieł milicyi, dzie byŭ składzieny pratakoł. Vyśvietliłasia, što raspaŭsiudžvali ściažki žychary Barysava — Cichanaŭ Maksim Andrejevič, 1989 naradžeńnia, i Žylcoŭ Pavieł Vasiljevič, 1977 hoda naradžeńnia, abodva hłuchaniamyja. Cichanaŭ paviedamiŭ, što ściažki im pryvoziać z Rasii i addajuć na raspaŭsiud biaspłatna, usio što jany zarablajuć, idzie im u kišeniu», — raspavioŭ Jaŭhien Aniščanka.
Sajt orshaby.com abiacaje sačyć za raźvićciom situacyi i paviedamić, jakoje pakarańnie paniasuć raspaŭsiudniki ściažkoŭ.
«Kali vy ŭbačyli raspaŭsiudnikaŭ rasijskaj simvoliki, paviedamicie ŭ RAUS i napišycie zajavu ab pryciahnieńni dadzienych hramadzian da administracyjnaj adkaznaści za handal u nienaležnym miescy», — zaklikaje vydańnie.
