Pamiž FK BATE i francuzskim «Mieciem» padpisany tranśfierny kantrakt, u adpaviednaści ź jakim Siarhiej Kryviec z hetaha času źjaŭlajecca futbalistam družyny sa stalicy rehijonu Łatarynhija, paviedamlaje aficyjny sajt «žoŭta-sinich».

Z času druhoha pryšeścia ŭ Barysaŭ, jaki adbyŭsia ŭ lipieni 2013 hoda, atakujučy paŭabaronca pravioŭ e BATE 45 matčaŭ, zabiŭ 22 miačy i addaŭ 21 halavuju pieradaču (čempijanat Biełarusi - 35/18 + 17, Kubak krainy - 2/2 + 3, Supierkubak - 1 / 0 + 0, Liha čempijonaŭ - 7/2 + 1).

Na hetym adrezku Kryviec dapamoh «žoŭta-sinim» zavajavać dziasiataje zołata nacyjanalnych pieršynstvaŭ, Supierkubak Biełarusi i prabicca ŭ hrupavuju stadyju Lihi čempijonaŭ-2014/15. A ŭ ciapierašniaj vyšejšaj lizie 28-hadovy chaŭbiek ź vialikim adryvam lidziruje ŭ śpisie samych karysnych hulcoŭ turniru pa sistemie «hoł plus pas».

«Miec» zaraz zajmaje 18-je miesca ŭ čempijanacie Francyi, praŭda, tam prajšli tolki try tury.

Клас
0
Панылы сорам
0
Ха-ха
0
Ого
0
Сумна
0
Абуральна
0