Biełaruś ažyćciaviła čarhovy płaciež u miežach pahašeńnia doŭhu pa kredycie Mižnarodnaha valutnaha fondu.
«23 kastryčnika 2014 hoda Respublika Biełaruś u metach vykanańnia svaich abaviazacielstvaŭ pa kredycie stend-baj MVF ažyćciaviła čarhovaje pahašeńnie asnoŭnaha doŭhu ŭ pamiery 54,7 młn SDR (ekvivalentna $81,7 młn)», — havorycca ŭ paviedamleńni Minfina.
Piać tranšaŭ kredytu ŭ miežach prahramy stend-baj na $3,46 młrd Biełaruś atrymała ad MVF u 2009—2010 hadach. Asnoŭny pik vypłat prypadaje na 2013—2014 hady, kali Biełarusi pryjdziecca viarnuć bolšuju častku pazyki. Letaś vypłaty Biełarusi pa kredycie MVF pieravysili $1,6 młrd.
