Uładzimir Pucin, adkazvajučy na pytańni padčas mižnarodnaha dyskusijnaha kłuba «Vałdaj» u Sočy, raspavioŭ pra toje, jak były prezident Ukrainy Viktar Janukovič apynuŭsia ŭ Rasii.

Pa słovach Pucina, paśla padpisańnia pahadnieńnia pamiž Janukovičam i apazicyjaj Janukovič adpraviŭsia z Kijeva ŭ Charkaŭ, choć rasiejski kaleha raiŭ jamu hetaha nie rabić.

«Ja jamu adkazaŭ, što sumniavajusia, što ŭsio tak budzie dobra, ale heta jaho sprava, jon ža prezident <…> Jon źjechaŭ i daŭ kamandu vyvieści ŭsie siły pravaparadku z Kijeva», — skazaŭ Pucin.

«Nie budu chavać, my dapamahli jamu (Janukoviču) pierabracca ŭ Krym, i jon tam jašče znachodziŭsia na praciahu niekalkich dzion, u Krymie — na toj pieryjad času Krym byŭ častkaj Ukrainy», — raspavioŭ kiraŭnik rasijskaj dziaržavy.

«U takich umovach u Kijeŭ jamu było viartacca ŭžo biessensoŭna <…> Usie zabylisia pra damoŭlenaści i podpisy. Jon (Janukovič) paprasiŭ vyvieźci jaho ŭ Rasiju, što my i zrabili. Voś i ŭsio», — skazaŭ na zakančeńnie prezident.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?