Jon nakiroŭvaŭsia ŭ Strasburh na Suśvietny forum za demakratyju. Ale palicyja nie puściła jaho na terytoryju Hiermanii z-za słavackaj vizy.
Viadomaha biełaruskaha palitołaha Valeryja Karbaleviča 2 listapada zatrymała niamieckaja palicyja ŭ aeraporcie Frankfurta-na-Majnie. Jon mieŭ aficyjnaje zaprašeńnie i nakiroŭvaŭsia ŭ Strasburh na Suśvietny forum za demakratyju ŭ składzie biełaruskaj hrupy, zaprošanaj dla aznajamleńnia z pracaj Rady Jeŭropy. Usie ŭdzielniki forumu zmahli prajści pamiežny kantrol, a Karbalevič — nie:
«U mianie viza vydadzienaja konsulstvam Słavakii. I heta byŭ pieršy ŭjezd na terytoryju Šenhiena. Niamieckaja palicyja vyrašyła, što ja nie maju prava ŭjezdu na terytoryju Hiermanii. Raniej ja byŭ pierakanany, što mahu pryjechać pa joj. Akazvajecca, nie mahu», — skazaŭ Karbalevič.
Pa słovach palitołaha, u tranzitnuju zonu jaho adpuściać užo siońnia. Adnak zvarotny kvitok da Minska jon maje tolki na 5 listapada.
