Centralny ŭniviermah Minska (CUM) 3 listapada adznačaje 50-hodździe.
U hety dzień u 14.00 u CUMie pačalisia jubilejnyja śviatočnyja mierapryjemstvy, jakija buduć doŭžycca da 5 listapada ŭklučna. Pad huki saksafona naviedvalnikaŭ buduć častavać prysmakami fabryk «Kamunarka», «Iŭkon», «Słodyč» i «Spartak». Možna budzie taksama akunucca ŭ atmaśfieru CUMa 1960-ch hadoŭ i sfatahrafavacca z žyvymi statujami. Dla tych, u kaho nie znojdziecca z saboj kamiery, univiermah padrychtavaŭ śpiecyjalnuju fotazonu. Jubilejny tydzień nie abydziecca bieź śpiecyjalnych prapanoŭ, źnižak i akcyj na pakupki tavaraŭ u histaryčnym univiermahu.
Dla ŭsich haściej CUMa 5 listapada budzie arhanizavanaja akcyja pad łozunham «Jubilej u nas — padarunki dla vas!». Kožny pakupnik atrymaje 15-pracentnuju źnižku na ŭsie niecharčovyja tavary i 5-pracentnuju — na pradukty charčavańnia. Akramia taho, pakupnikam buduć uručać dyskontnyja i padarunkavyja karty.
CUM adkryŭsia ŭ 1964 hodzie i pa hety dzień karystajecca papularnaściu ŭ minčan i haściej stalicy.