Hienieralnym sakratarom Biełaruskaj fiederacyi chakieja (FCHRB) siońnia na pasiadžeńni vykanaŭčaha kamiteta arhanizacyi adnahałosna vybrany Jarasłaŭ Zaŭharodni, paviedamili ŭ pres-słužbie FCHRB.
Na pasiadžeńni vykankama taksama pryniaty šerah klučavych rašeńniaŭ. Byli zaćvierdžany staršyni kamisij nacyjanalnaj fiederacyi. Tak, kamisiju trenieraŭ uznačaliŭ Anatol Varyvončyk, jaki taksama źjaŭlajecca namieśnikam staršyni FCHRB. Kiravać kamisijaj spartsmienaŭ budzie Alaksandr Alaksiejeŭ, a dyscyplinarnym kamitetam — Vital Utkin.
Vykankam FCHRB adnahałosna padtrymaŭ zadaču, jakaja budzie stajać pierad nacyjanalnaj kamandaj, — adbor na Alimpijskija hulni 2018 hoda ŭ Pchienčchanie (Respublika Kareja), dla čaho zbornaj nieabchodna zaniać miescy nie nižejšyja za vośmaje na čempijanatach śvietu 2015 i 2016 hadoŭ u elitnym dyvizijonie. U chodzie pasiadžeńnia taksama byli pryniaty rašeńni ab zasnavańni sumiesnaj kampanii, prybytak ad raboty jakoj budzie nakiravany na raźvićcio kłubaŭ u rehijonach, stvareńni adzinaha ekipirovačnaha centra dla zbornych kamand i praviadzieńni rebrendynhu simvoliki FCHRB.
Udzielniki pasiadžeńnia vykankama FCHRB zaćvierdzili novy štatny raskład aparatu fiederacyi, byli naznačany kiraŭniki jaje padraździaleńniaŭ.
