Biełaruskija raspracoŭščyki siervisa ličbavych uspaminaŭ Tuffle zapuścili admysłovuju prahramu dla smartfonaŭ na iOS.
Paśla abmiežavanaha testavańnia ŭ Vialikabrytanii mabilnaja prahrama Tuffle stała dastupnaja karystalnikam iPhone pa ŭsim śviecie. Z dapamohaj prahramy karystalnik moža stvarać uspaminy-fotastužki i prahladać uspaminy siabroŭ, adznačać siabroŭ u svaich uspaminach.
Tuffle abmiažoŭvaje tolki pamier fota (nie bolš za 10 Mb) i videa (nie bolš za 1 Hb). Abmiežavańnia na kolkaść fota i «ličbavych uspaminaŭ» niama.
Tuffle zapuściŭsia letam 2013 hoda i tady mieŭ tolki braŭziernuju viersiju. Jak raspaviali «Našaj Nivie» raspracoŭščyki Tuffle, ciapier siervisam karystajucca bolš za 30 tysiač čałaviek, jakija zahruzili bolš za 160 tysiač abjektaŭ (ź ich 93% — fota).
Płany pa vypusku prahramy dla Windows Phone pakul nie abmiarkoŭvalisia, ale kamanda raspracoŭščykaŭ płanuje vypusk prahramy na Android. Kankretnaj daty nazvać nie moža.
«Usio zaležyć ad taho, ci budzie karystalnikam cikavy siervis u vyhladzie prahramy: kali ŭ hetym miesiacy pabačym, što tak, to budziem raspracoŭvać i viersiju pad Android, — kažuć raspracoŭščyki. — U siarednim na raspracoŭku patrebna niekalki miesiacaŭ».
