Ministerstva finansaŭ Vialikabrytanii płanuje ŭ lutym vydatkavać 218 młn funtaŭ sterlinhaŭ (kala $350 młn) na vykup kaštoŭnych papieraŭ, jakimi byli refinansavanyja pazyki, atrymanyja brytancami jašče ŭ časy Pieršaj suśvietnaj, Krymskaj i Napaleonaŭskich vojnaŭ.
Ab hetym paviedamiŭ sajt Minfina Brytanii.
Padčas Pieršaj suśvietnaj brytanski ŭrad dla finansavańnia vajennych dziejańniaŭ vypuskaŭ značnyja abjomy pazykovych ablihacyj i ahitavaŭ nasielnictva kuplać ich. «Kožny funt, inviestavany ŭ Nacyjanalnyja vajennyja ablihacyi, značyć, što budzie bolš karabloŭ, bolš ježy, raniej pryjdzie pieramoha», «Nie možaš vajavać — inviestuj stolki, kolki možaš, u 5-adsotkavyja ablihacyi», — hučali rekłamnyja słohany.
U 1927 hodzie ministr finansaŭ Uinstan Čerčyl vypuściŭ novyja kaštoŭnyja papiery, jakimi byli zamienienyja šmathadovyja pazykavyja abaviazki ŭrada — jak časoŭ Pieršaj suśvietnaj, hetak i Krymskaj vajny, a taksama tyja, što byli ŭziatyja padčas vojnaŭ z Napaleonaŭskaj Francyjaj i navat u 18 st.
Hetyja papiery nie mieli aficyjnaj daty vykupu, i ŭrad moža samastojna pryznačać, kali pačynać ich pahašeńnie. Uvieś hety čas pakupniki ablihacyj — u asnoŭnym pryvatnyja asoby — atrymlivali adsotki pa svaich papierach.
