Žychar Hrodna, padazravany ŭ padvojnym zabojstvie, pryznaŭsia, što zarezaŭ dźviuch žančyn z asabistaj niepryjaznaści. Pra heta havorycca na aficyjnym sajcie Śledčaha kamiteta Biełarusi.

Padčas dopytu padazravany daŭ pryznalnyja pakazańni, što ździejśniŭ zabojstva 23 kastryčnika ŭ stanie ałkaholnaha apjanieńnia na hlebie asabistych niepryjaznych adnosin. Dla pravierki pakazańniaŭ śledčyja vybyli z zatrymanym na miesca zdareńnia. U vyniku padazravany nie tolki detalizavaŭ pakazańni, ale i pakazaŭ miesca na moście praź Nioman, ź jakoha vykinuŭ u vadu kuchonny nož. Jaho ŭdałosia znajści i padniać sa dna pry dapamozie vadałazaŭ, raspaviali ŭ SK.

U ciapierašni čas śledčyja praciahvajuć praviarać i vyśviatlać usie abstaviny złačynstva, u tym liku matyvy jaho ździajśnieńnia. U hetych metach vyvučajecca ład žyćcia achviar i padazronaha, dapytvajucca tyja, chto viedaŭ ich, pryznačany šerah ekśpiertyz.

Jak paviedamlałasia, uviečary 29 kastryčnika ŭ Hrodnie ŭ svajoj kvatery z kołatymi ranami ŭ vobłaści šyi znojdzieny trupy 27-hadovaj raniej nieadnarazova sudžanaj niepracujučaj miascovaj žycharki i jaje 54-hadovaj maci.

Pa dadzienym fakcie USK pa Hrodzienskaj vobłaści ŭzbudziła kryminalnuju spravu pa č.2 art.139 (zabojstva dvuch asob) Kryminalnaha kodeksa Biełarusi. U chodzie staranna praviedzienaha ahladu miesca zdareńnia śledčyja znajšli i kanfiskavali šerah rečavych dokazaŭ, u pryvatnaści ślady palcaŭ ruk, jakija byli nakiravany na daktyłaskapičnuju ekśpiertyzu. Dziakujučy suładnaj pracy pravaachoŭnikaŭ ŭdałosia apieratyŭna vyjavić asobu padazravanaha, jakim akazaŭsia 27-hadovy žychar Hrodna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?