Prezident Ukrainy Piatro Parašenka sklikaje pasiadžeńnie Rady nacbiaśpieki i abarony na 4 listapada. Adno z pytańniaŭ — admiena zakona ab asablivaściach miascovaha samakiravańnia ŭ asobnych rajonach Danieckaj i Łuhanskaj abłaściej.
Pra heta havorycca ŭ zvarocie, apublikavanym na sajcie prezidenta.
U zvarocie Parašenka nazvaŭ tak zvanyja «vybary», praviedzienyja 2 listapada na Danbasie, «psieŭda-vybarami, jakija źjaŭlajucca hrubym parušeńniem Minskaha pratakoła».
«Vybarčy fars 2 listapada stavić pad vielizarnuju pahrozu zryvu ŭvieś mirny praces.. Jon istotna paharšaje situacyju na Danbasie, — havorycca ŭ zvarocie.
Pavodle jaho słoŭ padčas RNBA buduć praanalizavanyja abstanoŭka i buduć uniesieny «nieabchodnyja źmieny ŭ scenary našych dziejańniaŭ».
