Vielmi paciešna bačyć vykazvańni ŭ styli: «Što vy tam u internecie pišacie, ničoha heta nie źmienić, idzicie pracavać». Internet daŭno staŭ hałoŭnym polem bitvy płaniety. Hramadstva nastolki źmianiłasia, što fejkavy internet-słych časam upłyvaje na situacyju bolš, čym bataljon bajevikoŭ.
Vialikaja prablema Biełarusi ŭ tym, što jana źjaŭlajecca nievidzimkaj dla suśvietnaha internetu. Pahladzicie na servisie Google Trends — nami nichto tołkam nie cikavicca. Biełarusy nijak nie pradstaŭlenyja, navat Łukašenka prajhraje inšym dyktataram pa zapytach.
My — biełaja plama na suśvietnaj karcie internet-siorfinhu. Dadzienuju situacyju treba terminova vypravić. Inakš Biełaruś pieratvorycca ŭ jeŭrapiejski Pakistan. Pamiatajecie strašnuju pavodku 2010 hoda ŭ hetaj krainie z dvuma miljonami paciarpiełych? Naŭrad ci, bo Pakistan — aŭtsajder dla jeŭrapiejskich viaščalnych sistem.
U internecie asnoŭny trafik i infarmacyjny ruch kancentrujecca vakoł sacsietak. Tvitar źjaŭlajecca samym pieradavym navinovym instrumientam, zdolnym z žachlivaj chutkaściu raspaŭsiudžvać naviny, mierkavańni, dadzienyja, analityku i šmat čaho jašče. U tviter ŭsio bolš pierabiahaje moładzi z Fejsbuka i Kantakta, dzie jany mohuć adasobicca ad nazojlivych baćkoŭskich vačej. Takim čynam, dadzienaja sacsietka hraje najvažnuju rolu ŭ chutkasnych hramadskich padziejach, i Majdan heta dakazaŭ.
Redakcyja 1863x.com skłała padborku asob biełaruskaha tvitera, jakich varta čytać i pijaryć z metaj uzmacnieńnia infarmacyjnaha pola Biełarusi.
1. https://twitter.com/belamova
BaraTopnavicki chłopiec Ihar, žurnalist. Staŭ prykmietnym ŭ tvitary ź leta 2013 hoda. Z tych časoŭ jon źjaŭlajecca samym rejtynhavym biełaruskim mikrabłohieram, jakoha retviciać viadomyja palityki, dziejačy mastactvaŭ i mižnarodnyja arhanizacyi. Biełamova zapuskaŭ suśvietnyja trendy, jakija ŭbačyli miljony čałaviek. Biez usialakich žartaŭ — jon naš honar i tvar biełaruskaha tvitera.
2. https://twitter.com/Motolko
Akramia chipstarskich zamašak, Anton Matolka vałodaje pryjemnaj źniešnaściu i darahim fotaaparatam. Matolka adyhraŭ važnuju rolu u 2011-ym hodzie, kali pakazaŭ śvietu ŭsiu viesiałość padčas maŭklivych akcyj pratestu. Anton uvasablaje urbanistyčnuju moładzievuju Biełaruś. Hetaki miascovy «kreakł», tolki voś Starbaksa ŭ Minsku niama.
3. https://twitter.com/malishevsky
Viktar Mališeŭski, viadomy ŭ minułym błohier ŽŽ. Ciapier časam piša ŭ tviter žartački i fakciki, niekatoryja ź ich źjaŭlajucca karysnymi.
4. https://twitter.com/extravalex
Haspadar dadzienaha akaŭnta vyklikaje źmiešanyja adčuvańni, pa bolšaj častcy stanoŭčyja. Ekstrasens Valeks Bujak nazyvaje siabie błohieram-zmaharom. Karysny vychad za ramki narmalnaści.
5. https://twitter.com/Sweetie_lynx
Zmaharski seks-simvał miascovaha tvitera. 17-hadovaja (mmmmm) dziaŭčyna, jakaja zapuskaje trendavyja chvali ŭ padtrymku biełaruskaj movy. Pradkazvajem joj dobruju budučyniu pry dalejšym raźvićci (razumovym, a nie toje, što vy padumali).
6. https://twitter.com/belaruski_front
Paciešny piersanaž, jaki akramia palityčnych žartaŭ pastajanna zhadvaje raznastajnyja vidy harbaty. Mahčyma, handluje joj nielehalna. Padatkovaj varta pryhledziecca.
7. https://twitter.com/Fake_MIDBLR
Davoli ŭdałaja parodyja na MZS Biełarusi, adnak pisać moh by čaściej.
8. https://twitter.com/lukakunagilaku
Źviazany ź Biełaruśsiu, ale pakul pastajanna piša na ŭkrainskuju temu.
9. https://twitter.com/cikavostka
Akaŭnt, jaki paviedamlaje cikavyja fakty na biełaruskaj movie. Vydatnaja zastaŭka.
Bahi palityki, karali humaru, uzory piśmiennaści.
Naturalna, što my admysłova zhadali nie ŭsich. Prapanujem kožnamu skłaści svoj rejtynh i apublikavać jaho ŭ kamientarach.