U rajonie vioski Ždanovičy Minskaha rajona paŭstanie kompleks budynkaŭ kliničnaha miedcentra. Jaho majuć zbudavać za 2014—2017 hady. Adpaviedny ŭkaz Alaksandr Łukašenka padpisaŭ 3 listapada.
Zakazčykam prajektavańnia i budaŭnictva kompleksu budzie KUP «Upraŭleńnie kapitalnaha budaŭnictva Minharvykankama», hienieralnaj prajektnaj arhanizacyjaj — RUP «Instytut «Biełdziaržprajekt», hienieralnaj padradnaj arhanizacyjaj — AAT «Budtrest №1».
Budaŭnictva prafinansujuć za košt respublikanskaha biudžetu i biudžetu horada Minska.
Novy miedycynski abjekt budzie pryznačacca nie dla žycharoŭ Ždanovickaha sielsavieta, heta budzie novaja lečkamisija dla Kiraŭnictva spravaŭ prezidenta. Jaje tendarny košt — kala 120 miljonaŭ dalaraŭ.
Darečy, u samich Ždanovičach, pasiołku-spadarožniku Minska, na siońnia pracuje tolki maleńkaja ambułatoryja, dzie praktyčna niama daktaroŭ-śpiecyjalistaŭ, prytym, što nasielnictva vioski i navakolnych punktaŭ imkliva raście.
