Časopis «Software Magazine» vypuściŭ štohadovy rejtynh Software 500, jaki ŭ 2014 h. staŭ 32-m pa liku. U asnovu rejtynhu pakładzieny dachod kampanij-udzielnic za 2013 finansavy hod, atrymany ad prahramnaha zabieśpiačeńnia i pasłuh.
Miescy ŭ rejtynhu raźmiarkoŭvajucca na padstavie abarotu kampanij, uklučajučy dachody ad prodažu licenzij, supravadžeńnia i padtrymki prahram, navučańnia, pasłuh i kansałtynhu.
Zhodna z upłyvovym u suśvietnaj IT-industryi vydańniem, vosiem kampanij-rezidentaŭ biełaruskaha Parku vysokich technałohij — ajčynnaha anałahu suśvietna viadomaj «Kremnijevaj daliny» — umacavali svaje pazicyi ŭ rejtynhu.
Kampanija EPAM Systems, rezident PVT, zaniała 131 miesca ŭ śpisie najbujniejšych kampanij-raspracoŭnikaŭ prahramnaha zabieśpiačeńnia pavodle rejtynhu Software 500. Kampanija Prahnoz — 292 miesca, IBA Group — 287, Ericpol Telekam — 288, Exadel — 372, Coherent — 413, SoftClub — 403, kampanija Intetics — 429.
Prahres biełaruskaha IT-rynku vidavočny: taja ž IBA Group padniałasia ŭ śpisie «Software 500» u paraŭnańni z papiarednim hodam na 9 punktaŭ, a Intetics traplaje ŭ rejtynh na praciahu apošnich 5 hadoŭ, padniaŭšysia na 11 pazicyj u paraŭnańni ź minułym hodam.
Siońnia IT źjaŭlajecca adnym z najbolš paśpiachovych siektaraŭ biełaruskaha biznesu. Jon upeŭniena zavajoŭvaje mižnarodnyja rynki. U minułym hodzie ekśpierty nazyvali siektar IT adnym ź lideraŭ pa liku ździełak źlićciaŭ i pahłynańniaŭ.
Pa dadzienych Parku vysokich technałohij, ekspart prahramnaha zabieśpiačeńnia i pasłuh za studzień-červień 2014 skłaŭ $246,1 młn. dalaraŭ i pavialičyŭsia ŭ paraŭnańni z anałahičnym pieryjadam 2013 na 30%.
Varta adznačyć, što dola ekspartu ŭ ahulnym abjomie vytvorčaści PVT skłała ŭ biahučym hodzie 88%.
