tut.by
U Homielskim abłasnym sudzie 4 listapada pačaŭsia novy razhlad kryminalnaj spravy pa žorstkim zabojstvie 23-hadovaj dziaŭčyny-repietytara Maryny Alaksandravaj.
Złačynstva było ŭčyniena letam 2013 hoda: dziaŭčynu zabili jaje były siabar i jaho znajomyja, siamiejnaja para. Dziaŭčyna nie zachacieła padtrymlivać z mužčynam blizkija adnosiny, i złamyśnik sa svaimi znajomymi raspracavali płan zabojstva.
Maryna Alaksandrava zajmałasia repietytarstvam. Znajomyja jaje byłoha maładoha čałavieka zamanili jaje pad markaj akazańnia pasłuh repietytarstva ŭ kvateru ŭ Homieli, dzie žorstka zabili. Zatym cieła dziaŭčyny advieźli na aŭtamabili ŭ Vietkaŭski rajon i zakapali ŭ zaraniej padrychtavanaj mahile.
Usich troch sud pryznaŭ vinavatymi. Były chłopiec zabitaj byŭ pryhavorany da 15 hadoŭ pazbaŭleńnia voli, dva inšyja złačyncy atrymali pa 13 hadoŭ.
Adnak 2 vieraśnia pastanovaj sudovaj kalehii pa kryminalnych spravach Viarchoŭnaha suda Biełarusi pryhavor byŭ admienieny, a sprava nakiravana na novy razhlad.
