U biełaruskaje zakanadaŭstva płanujecca ŭvieści miechanizm kryminalna-pravavoj kampiensacyi. Heta praduhledžana papraŭkami ŭ šerah kodeksaŭ, jakija siońnia byli pryniatyja deputatami Pałaty pradstaŭnikoŭ u pieršym čytańni.

Pavodle słoŭ hienieralnaha prakurora Alaksandra Kaniuka, kampiensacyja źjaŭlajecca mieraj materyjalnaha charaktaru, jakaja budzie prymianiacca z metaj stymulavańnia asob, jakija ŭčynili niaciažkija złačynstvy, da dobraachvotnaha zahładžvańnia viny pierad hramadstvam.

U adpaviednaści z zakonaprajektam, hetaja miera moža być prymienienaja jak adna z umoŭ asudžeńnia z umoŭnym nieprymianieńniem pakarańnia abo vyzvaleńnia ad kryminalnaj adkaznaści ŭ suviazi ź dziejnym raskajańniem. 

Kaniuk zaznačyŭ, što miechanizm kryminalna-pravavoj kampiensacyi skiravany na pavyšeńnie efiektyŭnaści ŭžo isnujučych u Kryminalnym kodeksie miechanizmaŭ, što dazvalała b nie prymianiać da asob, jakija raskajalisia, pakarańnie, źviazanaje ź izalacyjaj ad hramadstva.

Pry hetym Hienprakuror paviedamiŭ, što srodki, jakija mohuć być pryciahnutyja ŭ vyniku prymianieńnia miechanizmu kryminalna-pravavoj kampiensacyi, mohuć skłaści da 1,5 młrd rubloŭ za hod.

Kaniuk taksama miarkuje, što ŭ Biełarusi nieabchodna stvaryć fond dla kampiensacyi ŭronu paciarpiełym ad złačynstvaŭ. Pavodle jaho słoŭ, adnoj z krynicaŭ papaŭnieńnia rachunku takoha fondu mahli b stać pastupleńni ad kryminalna-pravavych kampiensacyj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?