Cieła akciora Alaksieja Dziavočtanki znojdziena ŭ domie na Ałtufjeŭskaj šašy ŭ Maskvie, paviedamlaje telekanał Dožd́.
Paviedamleńnie ab vyjaŭleńni cieła pastupiła ŭ pravaachoŭnyja orhany kala 19:00 pa maskoŭskim časie.
Aktoru było 49 hod, jon zdymaŭsia ŭ milicejskich sieryjałach, vykanaŭ rolu Karejki ŭ «Załatym cialaci» (2006), Barysa Savinkava ŭ «Stałypinie. Niavyvučanyja ŭroki». Artyst dvojčy byŭ udastojeny Dziaržaŭnaj premii Rasii ŭ halinie litaratury i mastactva. Apošniaja była prysudžana jamu za rolu Chlestakova ŭ śpiektakli «Revizor» pa pjesie Mikałaja Hohala.
Alaksiej Dziavotčanka byŭ členam Abjadnanaha hramadzianskaha frontu ŭ Sankt-Pieciarburhu, udzielnikam Maršaŭ niazhodnych. U sakaviku 2010 padpisaŭ zvarot rasijskaj apazicyi «Pucin pavinien syści». Prymaŭ udzieł u inšych palityčnych akcyjach libieralnaha napramku.
18 listapada 2011 h u svaim błohu ŭ «Žyvym žurnale» Alaksiej abviaściŭ, što admaŭlajecca ad zvańnia «Zasłužany artyst Rasii» i dvuch Dziaržaŭnych premij Rasii.
U sakaviku 2014 hoda padpisaŭ list «My z Vami!» KinaSajuza ŭ padtrymku Ukrainy.
