Biełaruskija harady ciapier možna razhledzieć na novych zdymkach z kosmasu na Jandeks.Kartach. Ab hetym paviedamili ŭ pres-słužbie kampanii «Jandeks».
Akvapark u minskim «Drymłendzie»
«Fotazdymki 18 nasielenych punktaŭ byli zrobleny ŭ 2014 hodzie i zamianili spadarožnikavyja zdymki papiarednich hadoŭ. U bližejšy čas śpis papoŭniać i inšyja harady Biełarusi», — rastłumačyli ŭ pres-słužbie.
Adzinym biełaruskim horadam, jaki pakul zastavaŭsia biez detalizavanych fatahrafij sa spadarožnika, byli Staryja Darohi — ciapier i ich možna razhledzieć da samych drobiaziej.
U kastryčniku na kartach poŭnaściu abnavilisia spadarožnikavyja zdymki Minska. Ciapier na ich možna ŭbačyć novy budynak Muzieja historyi VAV i staličny akvapark. Z bujnych abjektaŭ na novych spadarožnikavych fotazdymkach prysutničaje taksama stadyjon «Barysaŭ-Arena».
Na abnoŭlenych zdymkach možna detalova razhledzieć novyja zbudavańni, uźviedzienyja za apošnija hady i miesiacy. Karystalnikam dobra vidać siłuety damoŭ, trybuny stadyjonaŭ i navat aŭtamabili na stajankach. U maksimalnym nabližeńni raspaznavańnie na fotazdymkach dasiahaje 0,5 m na piksiel.
