Novy miechanizm dziaržaŭnaj padtrymki pradpryjemstvaŭ, jaki ciapier raspracoŭvajecca, skiravany na toje, kab dziaržresursy nie raschodavalisia na ich biahučuju dziejnaść.

«Usie prahramy buduć skiravanyja na toje, kab dziaržaŭnyja resursy ŭ mienšaj stupieni raschodavalisia na biahučuju padtrymku subjektaŭ haspadarańnia. Pradpryjemstvy pavinny abo vyžyvać u rynačnych umovach, abo pamierci, i ŭ apošnim vypadku dziaržava voźmie na siabie ŭsiu sacyjalnuju nahruzku, źviazanuju ź likvidacyjaj takich arhanizacyj», — zajaviŭ namieśnik ministra finansaŭ Maksim Jermałovič, vystupajučy 5 listapada na Kastryčnickim ekanamičnym forumie ŭ Minsku. 

Pavodle słoŭ Jermałoviča, ciapier Ministerstvam ekanomiki raspracoŭvajecca kancepcyja pavyšeńnia efiektyŭnaści dziaržaŭnaj padtrymki ekanomiki. «Kancepcyja praduhledžvaje, što pavinny być vyznačany piać-siem hłabalnych pryjarytetaŭ (tak zvanych metavych prahram raźvićcia), pa jakich aktyŭna buduć prymianiacca instrumienty dziaržaŭnaj padtrymki», — paviedamiŭ Jermałovič. 

U miežach metavych prahram raźvićcia, rastłumačyŭ jon, buduć vydavacca, jak i raniej, paraŭnalna tannyja finansavyja resursy. 

«Druhi kirunak, pa jakim buduć udaskanalvacca padychody, — biudžetnyja prahramy. Zadača refarmavańnia biudžetnych prahram — pavyšeńnie ich reprezientatyŭnaści. Kožnaja biudžetnaja prahrama pavinna ŭklučać paramietry, na asnovie jakich možna budzie havaryć pra efiektyŭnaść realizacyi takich prahram», — skazaŭ namieśnik ministra. 

Biudžetnyja prahramy, udakładniŭ jon, pavinny być skiravany na vyrašeńnie sacyjalnych prablem hramadstva. Pry hetym jon paviedamiŭ, što płanujecca taksama vyznačyć mižhalinovyja prahramy, jakim taksama budzie akazvacca dziaržaŭnaja padtrymka. 

«Mižhalinovyja prahramy buduć aryjentavacca na vyrašeńnie mižhalinovych prablem, i zamoŭcami takich prahram stanuć adpaviednyja orhany dziaržkiravańnia, jakija buduć realizoŭvać palityku ŭ toj ci inšaj śfiery», — raskazaŭ Jermałovič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?