Zaŭvažanaja naziralnikami Arhanizacyi pa biaśpiecy i supracoŭnictvie ŭ Jeŭropie (ABSIE) kałona vajennaj techniki naležyć samaabvieščanaj «Danieckaj narodnaj respublicy», paćvierdziŭ 9 listapada namieśnik kamandujučaha siłami «DNR» Eduard Basuryn.

Pavodle jaho słoŭ, pierasoŭvańnie techniki źviazana ź nieabchodnaściu ratacyi častak sieparatystaŭ. Nieabchodnaść pieramiaščeńnia kałon, udakładniŭ Basuryn, tłumačycca bieśpierapynnaj artyleryjskaj stralboj u Daniecku. Kałonu, pra jakuju paviedamili naziralniki ABSIE, «pierasunuli z taktyčnych mierkavańniaŭ».

Basuryn rastłumačyŭ, što padmacavańnie pryjšło ŭ Danieck ź inšaha rajona rehijonu (jakoha mienavita, jon nie ŭdakładniŭ). Pa jaho słovach, častki «DNR» «raskidanyja ŭ roznych rajonach».

Jon taksama adznačyŭ, što kałona vyhladaje doŭhaj, a na samaj spravie jana nie takaja vialikaja, bo «kožnaja artyleryjskaja kałona ŭklučaje ŭ siabie hruzaviki, jakija voziać artyleryju, ludziej, jakija jaje absłuhoŭvajuć, achoŭvajuć».

ABSIE napiaredadni zafiksavała pieramiaščeńni tankaŭ i inšaj vajennaj techniki biez apaznavalnych znakaŭ u kantralavanych sieparatystami rajonach Daniecka i Makiejeŭki. Naziralniki bačyli hruzaviki ź ludźmi, artyleryju i tanki.

U subotu ab pieramiaščeńni techniki na terytoryi, zaniataj siłami «DNR», paviedamiła ahienctva Associated Press.

Siomaha listapada Saviet nacyjanalnaj biaśpieki i abarony Ukrainy (SNBA) zajaviŭ, što z terytoryi Rasii na ŭschod skraŭ prybyła kałona z tankaŭ i inšaj vajennaj techniki, a taksama hruzaviki z bajcami. Minabarony i fministr zamiežnych spraŭ Rasii Siarhiej Łaŭroŭ abvierhli hetuju infarmacyju.

Клас
0
Панылы сорам
0
Ха-ха
0
Ого
0
Сумна
0
Абуральна
0